Le Mespris de la vie et consolation contre la mort/« Nous sommes tous mortels puisque la mort felonne »
Apparence
Le Mespris de la vie et consolation contre la mort
CLXXIIII.
Nous sommes tous mortels puisque la mort felonne
Est le pris du peché, & le peché trompeur
Rend indifferemment tout le monde pecheur,
Tentant à tout moment la conscience bonne :
Celuy quiconque vaint la mort en sa personne
Se fait tous les jours d'elle en ses membres vainceur
Et recevant de DIEU la grace & la faveur
Obtient par ses combas l'eternelle coronne.
Le CHRIST non seulement le regarde d'en haut
Ains luite avecque luy, & quant le ceur luy faut
De son bras Tout-puissant au danger il l'asseure.
Celuy doit seulement de la mort s'estonner
Qui ne veut avec DIEU heureusement regner,
Le sage pour mourir se dispose à toute heure.