Le Mespris de la vie et consolation contre la mort/« Tousjours contre le ciel la terre estrive, et gronde »
Le Mespris de la vie et consolation contre la mort
LXII.
Tousjours contre le ciel la terre estrive, et gronde
La chair contre le l'esprit, tousjours la passion
Sur la raison se jette, & la presumtion
Contre la modestie en orgeuil est feconde :
En nous mesmes combat le monde, pour le monde
Et ny à sous le Ciel aucune region,
Ou le monde ne loge en nostre affection
Soit ou Phebus se leve, ou chese dessous l'onde.
Tasche tu d'eschapper du monde desastreus?
Le monde te poursuit au cerceuil tenebreus,
Et le monde trompeur, par le monde t'offence.
Par tout le monde est monde, & l'immunde mondain
Le treuve autant immunde au pays plus lointain,
Que le monde est immunde au lieu de sa naissance.