A TRES-ILLUSTRE ET TRES-VERTUEUSE Dame Marguerite de Rohan, Marquiſe de Duretal, & Dame d’Eſpinay.
ADAME,
Ayant recogneu que la premiere odeur de ces Fleurs, baptiſees de voſtre auguſte nom, vous avoit esté fort agreable, par le teſmoignage meſme qu’il vous pleut de m’en rendre, les vous preſentant en vostre maiſon paternelle et Chaſteau Royal du Verger (d’où elles furent incontinent aroſees de vos liberalitez et faveurs) ie me ſuis encouragé de les vous conſacrer encore une fois mieux diaprees et plus odoriferantes qu’elles n’estoyent alors, tant pour m’acquiter de mon devoir, que pour me deſengager de la promeſſe que ie vous en avois faite. Que ſi l’odeur des premieres vous a donné quelque contentement, i’eſpere que celle des dernieres ne vous ſera pas moins plaiſant. Ie vous ſupplieray dóc, Madame, de les receuoir d’außi bonne volonté, que humblement ie les vous preſente : Et outre que l’authorité de voſtre nom leur ſeruira comme d’un Soleil gracieux, pour les conserver eternellement verdoyantes par toute la France, vous m’obligerez encor particulierement à demeurer toute ma vie,
MADAME,
Vostre tres-humble et tres-obeissant serviteur
Fr. Des-rues.