Les oeuvres poétiques de Clovis Hesteau de Nuysement 1578/Heureuse est la victoire
XXXIIII.
Heureuse est la victoire & trois fois bien-heureuse,
Ou le vaincu qu'on traine adore le vainqueur :
Et sans que le desastre ait amoindry son cueur,
Lonstre au fort de sa honte une ame genereuse.
Mais une autre seconde est trop plus glorieuse,
Ou vaincu du vainqueur ont sçait vaincre l'ardeur :
Puis de vaincre soy-mesme, & domptant son erreur,
Asservir à son vueil la main victorieuse.
Cleopatre vainquit quand le fil de l'espece
Sur la tombe entama sa poictrine frappee,
Guidé du bras meurtrier alencontre haussé.
J'ayme donc mieux mourir emportant la victoire,
Qu'au defaut de la mort voir trespasser ma gloire :
Car jamais d'un haut cueur le rempart n'est faussé.