Les oeuvres poétiques de Clovis Hesteau de Nuysement 1578/Je ne puis trouver paix
XXI.
Je ne puis trouver paix, & n'ay ou faire guerre,
J'espere au desespoir, je brusle & suis en glace :
Sans pouvoir rien tenir tout le monde j'enbrasse,
Et tel m'a prisonnier qui ne m'ouvre ou reserre.
Je volle sur les Cieux & languis en la terre,
Je forcene d'amour & jamais ne m'en lasse.
Lon ne veut que je vive & moins que je trespasse,
Et tel ne me veut point qui mon las ne deferre.
Je voy sans yeux, j'oy sourd, & sans langue je crie :
Je cerche ma ruine & le secours je prie,
Je veux mal à moy-mesme & un chacun j'honore :
Je me pais de douleur, pleurant faut que je rie :
Esgallement me plaist & la mort et la vie,
Et vous seulle causez l'ennuy qui me devore.