Les oracles de Michel de Nostredame/Tome 2/Partie 2/Section III/Quatrains
CENTVRIE VI.
C.
Fille de l’Aure, asyle du mal sain,
Où iusqu’au ciel se void l’amphitheatre :
Prodige veu, ton mal est fort prochain,
Seras captiue, & des fois plus de quatre[1].
CENTVRIE VII.
XLIII[2].
Lors qu’on verra les deux licornes
L’une baissant, l’autre abaissant,
Monde au milieu, pilier aux bornes
S’en fuira le neveu riant.
XLIV.
Alors qu’un bour fera[3] fort bon,
Portant en soy les marques de justice,
De son sang lors portant son nom[4]
Par[5] fuite injuste[6] receura son supplice.
CENTVRIE VII.
AVTRES QVATRAINS
LXLIII.
Renfort de sieges manubis & maniples
Changez le sacre & passe sur le prosne,
Prins & captifs n’arreste les prez triples
Plus par fonds[7] mis esleué, mis au trosne.
LXXX.
L’Occident libre les Isles Britanniques
Le recogneu passer le bas, puis haut
Ne content[8] triste Rebel corss[9]. Escotiques
Puis rebeller par plus & par nuict chaut.
LXXXII.
La stratageme simulte sera rare
La mort en voye rebelle par contrée[10] :
Par le retour du voyage Barbare[11]
Exalteront la protestante entrée.
LXXXIII.
Vent chaut, conseil pleurs, timidité,
De nuict au lict assailly sans les armes :
D’oppression grande calamité,
L’epithalame conuerty pleurs[12] & larmes.
CENTVRIE VIII.
AVTRES QVATRAINS
I.
Seront confus plusieurs de leurs attente,
Aux habitans ne sera pardonné :
Qui bien pensoient perseuerer l’attente,
Mais grand loisir ne leur sera donné.
II.
Plusieurs viendront, & parleront de paix,
Entre Monarques & seigneurs bien puissans :
Mais ne sera accordé de si prés,
Que ne se rendent plus qu’autres obeissans.
III.
Las quelle fureur helas quelle pitié,
Il y aura entre beaucop de gens :
On ne vit onc vne telle amitié,
Qu’auront les loups à courir diligens.
IV.
Beaucoup de gens voudront perlementer[13],
Aux grands seigneurs qui leur feront la guerre :
On ne voudra en rien les escouter,
Helas ! si Dieu n’enuoye paix en terre.
V.
Plusieurs secours viendront de tous costez,
De gens loingtains qui voudront resister :
Ils seront tout à coup bien hastez,
Mais ne pourront pour ceste heure assister.
VI.
Las quel desir ont Princes estrangers,
Garde toy bien qu’en ton pays ne vienne :
Il y auroit de terribles dangers
Et en maintes contrées, mesme en la Vienne.
CENTVRIE X.
Quand le fourchu sera soustenu de deux paux,
Auec six demy corps[14], & six sizeaux[15] ouuers :
Le trespuissant Seigneur, heritier des crapaux,
Alors subiuguera, sous soy tout l’vniuers.
CENTVRIE XI.
XCI.
Meysnier[16], Manthi, & le tiers qui viendra,
Peste & nouueau insult, enclos troubler :
Aix & les lieux fureur dedans mordra[17],
Pius[18] les Phocens viendront leur mal doubler.
XCVII.
Par ville franche[19], Mascon en desarroy.
Dans les fagots seront soldats cachez :
Changer de temps en prime pour le Roy,
Par de Chalon & Moulins tous hachez.
CENTVRIE XII.
IV.
Feu, flamme, faim, furt, farouche, fumée,
Fera faillir, froissant fort, foy faucher :
Flis[20] de Denté. toute Prouence humée,
Chassé de regne. enragé sans[21] cracher.
XXIV.
Le grand secours venu de la Guyenne,
S’arrestera tout aupres de Poictiers :
Lyon rendu par Mont Luel & Vienne,
Et saccagez par tout gens de mestiers.
XXXVI.
Assault farouche en Cypre se prepare,
La larme à l’œil, de ta ruine proche :
Byzance classe, Morisque si grand tare,
Deux differents. le grand vast par la roche.
LII.
Deux corps. vn chef. champs diuisez en deux,
Et puis respondre à quatre non ouys :
Petits pour Grands. apertius[22] mal pour eux,
Tour d’Aigues foudre. pire pour Eussouis[23].
LV.
Tristes conseils, desloyaux, cauteleux,
Aduis meschant. la Loy sera trahie :
Le peuple esmeu, farouche, querelleux,
Tant bourg que ville. toute la paix haie[24].
LVI.
Roy contre Roy & le Duc contre Prince,
Haine entre iceux, dissension horrible :
Rage & fureur sera toute prouince,
France grand guerre & changement terrible.
LIX.
L’accord & pache sera du tout rompuë :
Les amitiez pollues par discorde :
L’haine enuiellie, toute foy corrompuë,
Et l’esperance. Marseille sans concorde.
LXII.
Guerres, debats, à Blois guerre & tumulte,
Diuers aguets, adueux[25] inopinables :
Entrer dedans Chasteau Trompette, insulte,
Chasteau du Ha, qui[26] en seront coulpables.
LXV.
A tenir fort par fureur contraindra,
Tout cœur trembler. Langon aduent terrible :
Le coup de pied mille pieds se rendra,
Guirond. Guaron[27], ne furent plus horribles.
LXIX.
Eiovas proche esloigner, lac Leman,
Fort grands apprests, retour, confusion :
Loin des nepueux, du feu grand Supelman[28],
Tous de leur suyte[29].
LXXI.
Fleuues, riuieres de mal seront obstacles,
La vielle flame[30] d’ire non appaisée :
Courir en France. cecy comme d’oracles,
Maisons, manoirs, Palais, secte rasée.
- ↑ Construisez : et plus de quatre fois.
- ↑
Ce quatrain & le suivant (xliii & xliv) ne se trouvent pas dans
le supplément publié par Vincent Seve. On peut donc les croire postérieurs
à l’édition de M. DCV. Je les insère néanmoins ici à cause
de leur grande renommée. Ils sont d’ailleurs très-anciens & remontent
pour le moins à l’édition imprimée à Leyde, chez Pierre Leffen,
en 1650 (cent trente-neuf ans avant la Révolution française) : édition
que j’ai sous les yeux & sur laquelle je les transcris littéralement.
L’édition de Pierre Leffen est cataloguée à la Bibliothèque de Paris, lettre Y, no 4624, in-12. — Elle a pour titre : Les vrayes Centuries et Propheties de Maistre Michel Nostradamvs. Où se void représenté tout ce qui s’est passé, tant en France, Espagne, Italie, Allemagne, Angleterre, qu’autres parties du monde. Reveuës et corrigées suyvant les premieres Editions imprimées en Avignon en l’an 1556. et à Lyon en l’an 1558. Avec la vie de l’Autheur. Suit une vignette oblongue représentant un Phénix surmonté du soleil, ayant la boule du monde pour bûcher, & qui renaît de ses cendres. Au-dessous de la vignette, on lit : Imprime à Leyde, Chez Pierre Leffen, l’An 1560.
- ↑ Lisez : sera.
- ↑ Lisez : long.
- ↑ Traduisez : per ( prép. lat. ), à cause de.
- ↑ Traduisez : injustè (latin), injustement.
- ↑ Lisez : le plus par fond.
- ↑ Lisez : mécontent.
- ↑ Corse.
- ↑ Construisez : par (dans) contrée rebelle.
- ↑ Lisez : Barbares.
- ↑ Lisez : converti en pleurs.
- ↑ Lisez : parlementer.
- ↑ Lisez : demi-cors.
- ↑ Lisez : ciseaux..
- ↑ Lisez : Mesnier.
- ↑ Construisez : Fureur mordra dedans Aix et les lieux (circonvoisins).
- ↑ Lisez : Puis.
- ↑ Villefranche.
- ↑ Lisez : Fils.
- ↑ Lisez : sang.
- ↑ Lisez : apertin.
- ↑ Essoyes.
- ↑ C’est-à-dire : guerre partout.
- ↑ Lisez : advens.
- ↑ Traduisez : qui (latin), ceux-là qui.
- ↑ Gironde, Garonne.
- ↑ Lisez : superman.
- ↑ Vers incomplet dans l’édition de M.DCV.
- ↑ Lisez : vieille flamme.