Lettres sur l’hommage de la baronnie de Joinville par René II de Lorraine
à Amboise le 27 Décembre 1483,
CHARLES, par la grâce de Dieu Roy de France, à nos amez et feaulx Gens de nos Comptes et Trésoriers à Paris, aux Baillifs de Troyes, Sens, Chaumont et Vitry, nos Procureurs et Receveurs ès-dits Bailliages et à tous nos autres Justiciers et Officiers, ou à leurs Lieutenans, salut etdilection, scavoir vous faisons que nostre très cher et tres amé cousin, René Duc de Lorraine Nous a ce jourd’huy fait en nos mains les foyet hommage que tenu Nous estoit faire a cause de la Terre et Baronnie de Jainuille sur Marne de la Seneschaucée héréditable de Champagne à luy appartenant à cause de sa dite Baronnie de Jainuille, des Terres et Seigneuries d’Esclairon, Curville[1], Troi-fontaine la ville, de Humbécourt et de Corbey ? et leurs appartenances et appendances, tenus et mouuans de Nous à cause de Nostre Comté de Champagne ; ensemble de toutes les autres Terres, Fiefs et eigneuries qu’il tient et peut tenir de Nous à cause de Nostre Couronne ; ausquels foy et hommage nous l’auons receu, sauf Nostre droit et autruy. Si vous mandons et enjoignons, et à chacun de vous, si comme à luy appartiendra, que pour cause desdits foy et hommage on faits, vous ne faites ni donniez, ni souffriez estre fait ou donné ucun empeschement à Nostre dit cousin, ainçois et sa dite Terre et aronnie de Jainuille sur Marne, seneschaulcée héréditable de Chamagne, Terres et Seigneuries d’Esclairon, Curuille, Troisfontaines la e, de Humbécourt et de Corbey, et autres dessus déclarées, leurs dites appartenances et appendances sont ou estoient pour ce prins et mis en Nostre main, mettez les luy ou faites mettre incontinent et sans delay à pleine délivrance, pourveu qu’il baille son desnombrement et adueupar escrit, dedans temps d’vn an, à Nostre dite chambre des Comptes, et fera et payera les autres droits et deuoirs pour ce deuz et accoustumez, si faits et payez ne les a. Donné à Amboise le 27 iour de décembre, l’an de grâce 1483, et de Nostre Regne le premier. (Extrait des pièces de l’Histoire de Charles VIII, par Guillaume de Jalligny, Paris, 1684. In-fb).
- ↑ Curel ou Eurville ?