Lis Isclo d’Or/À-n-un Prouscri d’Espagno
Apparence
V
A-N-UN PROUSCRI D’ESPAGNO
Se t’ères embarca pèr lis isclo Canàri,
Auriés gagna bessai lou capèu d’amirau ;
Se t’avien tounsura dins quauque semenàri,
Belèu pourtariés mitro e bastoun pastourau ;
Simplamen pourcatié, deveniés miliounàri ;
Enroula pèr sóudard, sariés vuei generau ;
S’ères meme esta rèn, qu’un pacan ourdinàri,
Segur la pas de Diéu regnarié dins toun trau.
Mai coume te siés fa pouèto e patrioto,
Que ta voues a clanti sus tóuti li rioto,
Qu’as vougu sauva l’ome e cura lou poucièu,
Lou mounde, sèmpre dur i paraulo inmourtalo,
O, tau que lis aucèu en vesènt qu’aviés d’alo,
T’a cassa de pertout, paure ! à cop de fusiéu