Lis Isclo d’Or/À Dono Guihaumouno
VIII
A DONO GUIHAUMOUNO
antiboulenco
que m’avié manda de figo
Davans de figo coume aquéli,
Madamo, que m’avès manda,
Aurié segur canta Vergéli,
E Teoucrite aurié bada.
Devié penja, douço coume éli,
La frucho d’or au mount Ida ;
E, quand prechavo l’evangéli,
Aurien au bon Diéu agrada.
Ansin, dins la Prouvènço antico
Li castelano pouëtico,
Quand lou troubaire avié fini,
Em’ un sourrire l’estrenavon
Divinamen, e ié dounavon
La bluio flour dóu souveni.
Maiano, pèr Calèndo de 1873.