Noelz de Jehan Chaperon/Sur « Vous perdez temps »

La bibliothèque libre.
Aller à la navigation Aller à la recherche
Noelz de Jehan Chaperon, dit le Lassé de repos
(p. 5-7).

Aij

I

Sur : Vous perdez temps.


1Vous perdez temps, hereticques infames,
De blasonner contre la saincte Vierge[1] ;
Chascun la sçait belle sur toutes femmes,
Seulle sans per, de vertu la consierge.
 Votre langue perverse, 5
 Dangereuse et diverse
 D’elle a voulu mesdire,
 Mais il vous fault desdire,
Car maulgré vous lassus est honnorée,
Mère de Dieu et royne couronnée (bis). 10


2Le roy puissant l’avoit long temps esleue
Pour des humains porter la deslivrance ;
De nulz pechez oncques ne fut pollue ;
Cueur pur et net a eu dès son enfance.

 Sa mére Dieu l’appelle, 15
 Son espouse et ancelle,
 De nous seulle conserve,
 Qui nous garde et preserve,
Dont l’Ennemy ne peult sur nous ataindre,
Quant il lui plaist l’ire de Dieu estaindre (bis). 20


3Ung matinet, en Bethleem la ville,
Elle enfanta l’enfant trespur et monde,
Et lors la paix pour les humains utille
Fut, comme on sçait, toutes les pars du monde.
vo  Les pasteurs sur champaistre 25
 Faisant leurs troupeaulx paistre,
 Par les anges advertis,
 Se sont[2] des champs partis
Pour aller veoir ceste digne acouchée,
Mére de Dieu et royne couronnée (bis). 30


4Trois roys puissans avecques diligence
Se sont partis de leur terre et contrée
Et chascun d’eulx apporta grant finance
Pour presenter a la tendre rousée.

 Herodes[3] par despit, 35
 Pour occir le petit[4],
 Feist mourir innocens[5]
 Par miliers et par cens,
Car dolent fut d’ouïr telle nouvelle
Qu’ung roy nouveau le tiendroit en tutelle (bis). 40


5Pource, Françoys, chascun liéve la chère ;
Noël chanter chascun de nous s’efforce ;
Prions Jesus et sa mére tant chére
Nous preserver de noyse et de divorse.
 Par guerre vient follye 45
 Et par paix la jolye
 Chascun vit trescontent ;
 Prince[6] aussi [ne] content,
Administrant, ainsi qu’il est propice,
AiijA ung chascun sans faveur sa justice (bis). 50


Finis.
  1. Impr. Vieege.
  2. Se sont tous.
  3. Roy Herodes.
  4. l’enfant petit.
  5. les innocens.
  6. Et le prince.