Lances aportent et maint dart enpanné,
Et bonnes hachez de bon acier trenpé ;
Tout ce aportent à Aiquin l’amiré
De son pays dont il ot esté né.
Sy comme ilz furent anz ou port arivé,
La mer retrait et veit en son chané. (fo 25 vo)
Nostre arcevesque lour est encontre alé,
O bien deux mille de chevaliers armé ;
Fort les asaillent environ et en lé.
Ceulx se deffendent environ le rivé ;
Moult ont es Francs et geté et rué ;
Et les payens qui sont en la Cité,
Maint gavelot ont à noz Francs rué,
Et ceulx des barges et du dromont ferré
Fort se deffendent vers la crestïenté ;
Mais pour neant, ja n’auront garenté ;
Quar noz Francs ont tant feru et chaplé
Les [barges] prennent par sure poesté,
Et le dromont qui est [et] hault et lé.
De la navie n’en est nul eschappé,
Fors ung qui eist dedans la mer floté
Près une roche qui est près la Cité.
Biseul estoit cil rocher appelé.
Contreval Rance est le vesel tourné.
Enxin est l’esve nommé en cil regné.
Et l’Arcevesque a luy aver donné
Et departi à la crestïenté ;
Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/188
Le texte de cette page a été corrigé et est conforme au fac-similé.
55
par le roy charlemaigne