l’estenduë de la Parroisse, & faire rapport des besoins generaux & particuliers, afin d’y estre pourueu.
Deux autres seront deputez pour l’Hospital à mesme fins, & pour la visite de la Chambre de la Charité, selon que l’on trouvera qu’elle en aura besoin.
Deux autres auront soin des Pauvres honteux qui sont plus en nécessité, sur le roolle qui leur sera mis en main, pour faire rapport de leurs besoins.
Et deux autres seront commis pour s’appliquer particulierement à remarquer les abus, scandales, irreuerences, & autres desordres generaux & particuliers dont ils pourront auoir connoissance dans l’estenduë de la parroisse, afin d’y estre pourueu sur leur rapport de remedes conuenables ; & pendant la quinzaine iront vne fois dans l’Eglise Parrochiale adorer le S. Sacrement au nom de l’Assemblée, & luy offrir les desirs, employs, & intentions de la Compagnie.
Si pendant la quinzaine il y auoit quel-
