Cette page n’a pas encore été corrigée
VII
AU POUÈ TO GAUTIÉ
après sa mort
La Roso dóu matin au vèspre toumbo flour ;
L’Aucèu, un moumenet, canto entre dos tempèsto ;
Lou Lioun subre-fort peris pèr sa valour ;
La Femo vai plourant lou rire de sa fèsto.
La Jouvènço fai gau, mai s’encour à la lèsto ;
L’Amour, tant dous au cor, enfanto la doulour ;
La Glòri a bèu lusi, noun es qu’un fum de tèsto ;
L’Engèni, fiéu dóu Cèu, s’embrounco à la malour.
Au meiour, au plus bèu, au plus grand, au plus miste,
Fau de-longo eiçabas que l’auvàri contro-iste,
Pèr nous prouva que soul Quaucun règno amoundaut.
Countemplaire auturous dóu revoulun fatau,
Éu peréu dèu cala, lou pouèto inmourtau !
E vers Diéu tout cabusso : es d’acò qu’ères triste
7 de nouvèmbre, 1872.
