Page:Montaiglon - Recueil général et complet des fabliaux des 13e et 14e siècles, tome VI.djvu/11

FABLIAUX

---

CXXXVIII

DES .III. DAMES

QUI TROVERENT L’ANEL AU CONTE

[par Haisel]

Bibl. roy. de Berlin, Mss. Hamilton 257, fol. 3 d à 4 c.^[1]

1
Un riche quens d’estrange terre
Aloit par le païs pour querre
Le deduit de chevalerie.
A Roen vint en Normendie :
5Hors de la vile en .I. vergier
S’ala li quens esbanoier.
Li vergiers par estoit trop^[2] beaus ;
Si li avint que ses aneaus
Par aventure li chaï :
10En tel maniere le perdi.
.III. dames de mout grant noblece,
De grant beauté, de grant richesce,

1. CXXXVIII. — Des .III. dames qui troverent l’anel au conte, p. 1.

   Ce titre ne se trouve pas dans le manuscrit.

   
   
2. Vers 7 — * trop ; ms., trob.