qil soit en nulle temps avenir soit chalenge pris nenprisone empesche moleste ne greve nen jugement mesne per nous ns perautres a nostre seute ne a seute dautri qi qil soit en nostre Courte ne nul part aillours pur encheson de revenir de Monsieur Piers de Gaveston en Engleterre ne deide maintenaunce aerdaunce ne du counseil ne de resceite de lui ne dalliaunce faite a lui ou pur lui per escrit ou autrement ne pur encheson de demoerer en sa compaignie nen service en nul temps passe cea en ariere. Et voions qe ceo graunt e acorde soit ferme & establie en touz ces pointz & chescun de eux soit tenuz & gardez a perpetuite. En tesmoignance de quele chose nous avons faite faire cestes noz letres patentz. Don' a Westm' le septisme jour de Novembre Ian de nostre Regne septisme.
Fact. Anno 7 Edw. II. Stat. 2.
EDWARD par le grace de Dieu &c. A ses Justices du Baunk saluz Sachent touz qe pur certeines & covenables enchesons en nostre parlement a Westm' le lundy preschein apres le feste de seint Edward le Confessour cest assavoir le quinze jour Doctobre lan de nostre regne septisme purveu est & graunte per nous & per Ercevesqes Evesqes Abbees Priours Countes Barouns & la cominalte de nostre roialme illoeqes a nostre maundement assemblez unement assentuz & acordez qe nul de quele estate ou condicion qil soit en temps avenir ne soit appellez ou chalengez pur lencheson de la pris la detenue ne de la morte Piers de Gaveston ne pur mesme la morte ne soit pris nemprisonez empeschcz molestez ne grevez nen jugement meshez per nous ne per autres a nostre seute ne a seute dautri qi qil soit en nostre Courte ne nulle part aillours et volons qe ce graunt & concord soit ferme & establie en touz ses pointes & chescun de eux soit tenuz & gardez aperpetuite Et purce nous maundons qe ceo graunt & concord facez en le Baunk avantdit lire enrouler & fermement garder aperpetuite sicome deiuis est dit.
