Item super xiiio et xiiiio capitulis requisitus, dixit se nichil aliud scire quam supra dixerat in primo capitulo.
Item super xvo capitulo requisitus, dixit se nichil scire.
Item super xvio capitulo requisitus, dixit quod ipse, qui loquitur, audivit dictum dominum Poncium de Captolio dicentem quandam die, de qua non recordatur, ut dixit, in castro de Captolio in leschifa, cum ipse, qui loquitur, diceret dicto domino Poncio : Domine, bonum esset quod ordinaretis de rebus vestris quia vetus estis ; sed dubio quod non possitis propter literam quam fecistis episcopo et ecclesie Aniciensibus ; tunc dictus dominus Poncius respondit et dixit ipsi tunc, qui loquitur, accipiendo manum suam et dicendo : in bona fide quam tibi habeo, non dubites de litera, quia nunquam magis videbunt eam illi de ecclesia, quia admissa est ; dicendo ipsi, qui loquitur, ut dixit, hec verba : si illi de ecclesia habent amicos, a simili nos habemus amicos in ecclesia.
Item super xviio capitulo requisitus, dixit ita verum esse ut in eodem capitulo continetur.
Requisitus qualiter scit, dixit quod ipse vidit dictum dominum Poncium de Captolio defendentem dicta tenementa usque ad dictas bolas.
Item dixit se vidisse pluries homines, habitantes infra dictas bolas, venientes ad assizias castri de Captolio apud castrum de Captolio causa ibidem accipiendi et faciendi jus. Vidit eciam quod cum dominus A. de Pict. condam haberet guerram cum dicto domino Poncio de Captolio, quod homines habitantes infra dictas bolas recipiebant se infra dictum castrum, et dixit quod bene sunt xx anni quod dicta guerra fuit.
Item super xviiio capitulo requisitus, dixit se nichil aliud scire quam supra dixerat.
Requisitus si tempore, quo dictum castrum fuit redditum dicto domino Poncio, pater ipsius domini Poncii vivebat, dixit quod sic.
Requisitus qualiter scit, dixit quia ipse vidit dominum Petrum de Fayno patrem dicti domini Poncii de Captolio, apud Montilium, ubi detinebatur captus, quia furiosus erat.
Requisitus quam partem vellet obtinere, dixit quod jus habentem.
Requisitus si prece vel precio, gracia, hodio vel amore dactus vel instructus, fert suum testimonium, dixit quod non.
