Poésies de Marie de France (Roquefort)/Fable XVII

Ajouter des liens
La bibliothèque libre.

FABLE XVII.

D’une Soris qui défoula un lion[1].

D’un Léon dist qui se dormeit
En un buschage ù il esteit ;
Entur lui se vunt desduisant[2]
[a]Suris petitetes è grant.
L’une corrut, ne s’en garda[3],
Sur le Léon si l’esveilla ;
Li Lyons fu mult curreciez
Prist la Suriz tant fu iriez[4],

De li voleit faire justise ;
El respoundist k’en nule guise[5]10
A escient ne l’aveit fait,
E li Liuns à-tant l’a lait.
Petite Honur, ce dist, areit
De la Suris s’il l’ocieit.
Guières de tens ne demoura
[b]K’uns Huns, ce dist, appareilla
Une fosse croese dedenz.
La nuit fut pris li Lions enz,
Grant paor a k’um ne l’ocie,
Dedenz la fosse brait è crie.20
La Soriz vait o cri tut dreit[6],
Maiz ne saveit ke ce esteit
Cil k’où bois l’aveit esveillié.
[c]Qant Lions vit si engigné
Demanda li qui l’ot là mis,
E cil respunt k’il ère pris,
Osciz sera à grant dulor ;
Dist la Suris, n’aïez poor,

Or vus rendrai le guerredun [7]
Qant à mei féistes le pardun,30
Qant à mes piex tus ai marchié.
Gratez la terre à vostre pié
Tant que ferme vus i puissiez ;
E puis à-munt bien vus sachiez[8].
Ensi purrez ça forz issir,
E je ferai od moi venir
Autres Suriz pur mei aidier
As cordes k’ici sunt trenchier ;
E as roiseus qui sunt tenduz,
Ne serez mie retenuz.40
L’ensengnement à la Soriz[9]
Fist li Lions, si fu gariz
E de la fosse est eschapez,

Là li valu humilitez[10].

MORALITÉ.

Par ceste fable nus assoume[11]
K’exanple i preingnent li Riche Houme
Qui seur les Povres unt pooir ;
Si lur meffunt par nun savoir ;
K’il en aient bune merci,
A venir lur puet autresi[12]50
Ke cil li puet aveir mestier
E miauz li saura cunseiller
[d]Au besong s’il est entrepris
Que li meaudres[13] de ses amis.

  1. ↑ La Fontaine, liv. I, fab. XI, Le lion et le Rat.
    AEsop., f. 221.
    Phædr. append. Burm., fab. 4, Leo et Mus.
    Romul. Nil., lib. I, f. 16. Léo et Mus,
    Anon. Nil., fab. 18.

    Clément Marot a traduit cette fable dans l’épître à son ami Lyon.
  2. ↑ Jouant, s’amusant.
  3. ↑ Et sans y prendre garde, elle monta sur le lion qu’elle éveilla.
  4. ↑ Fâché, en colère, iratus.
  5. ↑ Elle lui répondit ingénument qu’elle ne l’avoit pas fait à dessein ; le lion radouci lui rendit la liberté.
  6. ↑ Aller o cri, porter du secours du côté où l’on entendoit crier ; le vassal étoit obligé de crier lorsqu’il s’appercevoit d’un vol, d’un assassinat ou de tel autre crime, afin qu’on vînt au secours et qu’on arrêtat le criminel. Lorsque ce dernier parvenoit à s’évader, et que la huée (le cri), avoit été faite, tout le village étoit mis à l’amende, ou soumis à une peine plus forte ; celui qui avoit entendu le cri, étoit obligé de le répéter ; et si, l’ayant entendu, il n’étoit pas sorti de chez lui pour porter secours, il répondoit du criminel jusqu’à ce que celui-ci fût arrêté. Voy. Gloss. de Langue Romane, au mot Harauder.
  7. ↑ La récompense, le salaire.
  8. ↑ Et tenez-vous bien droit, afin que le filet soit tendu.
  9. ↑ Le lion suivit le conseil de la souris et s’en trouva bien.
  10. ↑ Ce mot signifioit bonté, grandeur d’ame.
  11. ↑ Montrons, invitons.
  12. ↑ Il peut leur en arriver autant.
  13. ↑ Meilleur.
Variantes.
  1. ↑

    Soris petitetes joant.

  2. ↑

    Que li Leons s’enprisona
    En une fosse qu’uns hom faite a.

  3. ↑

    Qant el le volt si enseignié.

  4. ↑

    A son besoing s’il est sorpris.

Récupérée de « https://fr.wikisource.org/w/index.php?title=Poésies_de_Marie_de_France_(Roquefort)/Fable_XVII&oldid=10163775 »