Aller au contenu

Poésies de Marie de France (Roquefort)/Fable LXIV

Ajouter des liens
La bibliothèque libre.

FABLE LXIV.

Dou Muset ki quist Fame.
alias
Dou Muset qi ne pooit trover Fame à sun talent[1].

Jadis fu si en-orguelliz
Li Musés[2] k’um claime Suriz,
Qu’il ne pooit en sun paraige,
En sun samblant, n’en sun lignaige,
Fame truver cui il présist ;
Jà n’en aura nule ce dist,
S’il ne la troeve à sun talent.

[a]Marier se veut hautement,
Dist qu’au Soloil ira parler,
Sa Fille volra demander,10
Pur ce que il esteit mult halz[3],
Et en esté poissanz è chalz[4] ;
Ne set ce dist en plus haucier,
Si requiert sa Fille à moillier[5].
Li Solax dist qu’il voist avant[6]
S’en truvera un plus poissant ;
La Nue qui l’aombre et cuevre[7],
Ne peut paroir qant soz lui œvre.
Li Musès à la Nue vint
E dist q’a si poissant le tint20
Qe sa Fille vient demander.
Ele rueve à-tant aler[8],

E par resun li veut mustrer
Q’ancor puet plus poissant truver.
Ce est li Venz, bien i esgart,
Car quant il vente il la départ[9] ;
Fait li Musès à lui irai
Jà ta Fille mais ne prendrai[10].
Adunc en est alez au Vent,
Si li a dit cunfaitement[11],30
La Nue li a envoié,
Si li a dit et enseignié,
[b]Q’il esteit de si fort nature
Q’en sa force n’aveit mesure.
Tutes autres riens départeit
Par sun grant Vent les destruieit[12] ;
Pur ço vuleit sa Fille prendre,
Ne volleit mes aillurs entendre,
Pur ce qu’il ot oï cunter
Qe rien nel’ pooit cuntrester[13].40
Li Venz respunt : tu as failli

Fame n’aras tu pas iqui[14] ;
Plus i a que jeo ne sui,
Qui mult suvent me funt anui[15].
Encuntre moi si fiers se fait
Que ne li caut[16] de mun forfait ;
Chou est, fet-il, la Tur de pière
Qi touz-tans est forz et entière,
Unques ne la puis despécier
Ne par venter affebloier[17] ;50
Ainz me reboute[18] si arrière
Que n’ai talent que la requière.
Li Musès respondit à-tant[19]
De ta Fille n’ai-ge talant[20] ;
[c]Ne doi plus bas Fame coisir
Q’a moi ne doie apartenir,
Fame prendrai à grant honur
Or m’en irai jusqu’à la Tur.

Alez i est, sa Fille quist[21] ;
La Tors l’esgarda, si li dist :60
Com as, fait-ele, mal-estéi,
Tu n’as mie bien esgardéi
Qui par force ça t’enveia ;
Il m’est avis qu’il te gaba[22],
Plus fort truveras encor vui[23]
A cui unques ne cuntrestui[24],
Qu’est-ce dunc, li Musès respunt
A dunc plus fort en tut le munt[25] ?
Oïl, fet-ele, la Suriz
Dedens moi gist è fait ses niz.70
Il n’a en moi si fort mortier
Q’ele ne puisse trèspercier,
Desoz moi va, parmi moi vient[26],
Nule cose ne la détient.
Li Musez dit cument faveles[27]
Or ai oï fières nuveles,

Jà est la Soris ma parente ;
Bien ai perdu tote m’antante,
Geo quidoie si haut munter
[d]Or me cunvient à recliner[28]80
E returner à ma Nature.
Tès est, dist la Turs, t’aventure,
Va en maisun, è si retien
Que ne woelles pur nule rien
Ta Nature mais desprisier.
Tiex se cuide mut essaucier,
E cuntre sun dreit alever,
Que plus bas cunvient returner.
Mals prisier ne deit nus sun dreit,
Se ce n’est maus quex qe il seit,90
Jà ne sauras si lung aler[29],
Qe tu puisses Fame truver
Qi miex soit à tun oës eslite
Que la Sorisete petite.

MORALITÉ.

Ensi avient as enviox,
As sourquidiez, as orgellox,
Que requièrent qu’il ne devreient
Là returnent où ne volreient.


  1. ↑ La Fontaine, liv. IX, fab. VII. La Souris métamorphosée en Fille.

    AEsop., f. 172.

    Pidpay, Le mariage de la Souris, Contes Indiens, tom. II, p. 385.
  2. ↑ Le Musaraigne, mus araneus, sorte de petit rat, ou peut-être le mulot.
  3. ↑ Très-élevé, altus pour altissimus.
  4. ↑ Chaud, calidus.
  5. ↑ Femme, mulier.
  6. ↑ Qu’il aille plus loin.
  7. ↑ La nuée qui l’ombrage et couvre, l’empêche de paroître quand elle est sous lui.
  8. ↑ La nuée l’invite à s’en aller sur le champ.
  9. ↑ Sépare, éloigne, divise, rompt, de partiri.
  10. ↑ Car jamais ta fille ne deviendra ma femme.
  11. ↑ Parfaitement, de quelle façon, confecte.
  12. ↑ Détruisoit.
  13. ↑ S’opposer, faire résistance.
  14. ↑ Iqui, ici, en cet endroit, hic. Cette expression est encore en usage dans les départements du Rhône, de l’Isère, de l’Ain, etc.
  15. ↑ Peine, chagrin, inquiétude, noxia.
  16. ↑ Que ne lui importe.
  17. ↑ M’affoiblir par le grand vent.
  18. ↑ Repousse, renvoie.
  19. ↑ Sur-le-champ, aussitôt.
  20. ↑ Besoin.
  21. ↑ Chercha, quæsivit.
  22. ↑ Qu’il se moque de toi.
  23. ↑ Vui, aujourd’hui, hodiè.
  24. ↑ À qui jamais je ne fis résistance.
  25. ↑ Mont, le monde, la terre, mundum.
  26. ↑ Elle passe sous moi, au milieu, rien ne peut la retenir.
  27. ↑ Comme je me suis trompé.
  28. ↑ Revenir sur mes pas.
  29. ↑ Tu n’as pas besoin d’aller si loing, car pour trouver la femme qui te convient le mieux, tu n’as qu’à prendre la petite souris.
Variantes.
  1. ↑

    La fille au plus haut ellément
    Vorra li musès demander,
    Au Souleil en ala parler.

  2. ↑

    Qu’il ert la plus fort criature,
    Qe sa force n’en a mesure.

  3. ↑

    Ne de basse fame choisir.

  4. ↑

    Or voi qu’il m’estuet retorner
    Et acliner à ma nature.

Récupérée de « https://fr.wikisource.org/w/index.php?title=Poésies_de_Marie_de_France_(Roquefort)/Fable_LXIV&oldid=10163658 »