Mozilla.svg

Recueil des lettres missives de Henri IV/1576/12 octobre ― À Forget

La bibliothèque libre.
Sauter à la navigation Sauter à la recherche



1576. — 12 octobre.

Orig. – Arch. de la famille Forget de Fresne. Communication de M. le chevalier Artaud de Montor, membre de l’Académie des inscriptions et belles-lettres, allié de la famille Forget.


À FORGET,

SECRETAIRE DES FINANCES DU ROY MON SEIGNEUR, ET MIENNES.

Forget, Je vous envoye deux blancz-signez pour, en vertu d’iceulx, recepvoir du tresorier ordinaire des guerres la somme de sept mille livres tournois pour les estats et entretenement de quarante hommes d’armes et soixante archers, que le Roy mon seigneur m’a cy-devant accordez pour ma garde durant le quartier de juillet, aoust et septembre. Je vous prie, à ceste cause, en faire telle diligente poursuitte que ce porteur s’en puisse retourner le plus tost qu’il sera possible. Et pour ce que je m’asseure que vous y ferés tout debvoir, je ne vous en feray plus longue lettre que pour prier le Createur vous avoir, Forget, en sa saincte garde. Escript à Casteljaloux, ce xije jour d’octobre 1576.

Vostre bon maistre et amy,


HENRY.