Orig. — Arch. municip. de Montauban. Communication de M. le baron Chaudruc de Crazannes, correspondant de l’Institut et du ministère de l’Instructiou publique.
Messrs, J’ay receu et entendu, par ce qui m’a esté escript de vostre ville, les entreprises et assemblées des gens de guerre, qui se font ordinairement par delà, et la continuation des attentats, surprises tant de places que de personnes. À quoy je ne puis pour le present vous dire aultre chose, sinon que (d’autant que le remede ne s’applique au mal par ceux qui en ont le moyen en la main en vos quartiers, à sçavoir l’autorité et la justice) il vous fault avoir le cœur et l’œil de prés à vostre seureté et conservation, et obvier aux attentats et meurtres le plus que vous pourrez. J’attends la responce que le sr de Clermont apportera ou envoyera sur les requestes cayers qu’il a presentés au Roy mon seigneur, de la part des Eglises, lesquels j’ay accompagnés de mes lettres et remonstrances. L’ayant receue je vous en tiendray advertis. Ce pendant je puis vous asseurer tousjours de ma bonne volonté, et prie Nostre Seigneur pour vous tenir, Messrs, en sa saincte garde.
De Tartas, ce xviiije octobre 1583[1].
- ↑ Au lieu du 19 octobre, on lit le 24 sur la copie envoyée de Montauban ; mais les comptes originaux de la dépense du roi de Navarre constatent qu’en octobre 1583 il fit à Montauban deux séjours, l’un du 15 au 20, l’autre du 27 au 30. La forme de l’écriture d’alors et la disposition du quantième en chiffres romains expliquent aisément par quelle méprise on aurait confondu xviiij avec xxiiij.