Recueil des lettres missives de Henri IV/1583/20 décembre ― À monsieur d’Escorbiac

◄

précédente

Henri IV Lettres missives 1583

suivante

►

1583. — 20 décembre.

Orig. Arch. de M. le baron de Scorbiac, à Montauban. Copie transmise par M. Gustave de Claude, correspondant du ministère de l’Instruction publique.

À MONS^R D’ESCORBIAC,

CONSEILLER DU ROY MON SEIGNEUR, EN SA COURT DE PARLEMENT DE THOULOUSE ET COURT DE L’EDICT ESTABLIE À LISLE D’ALBIGEOIS.

Mons^r d’Escorbiac, Parce que je voy que, par faulte de bonne sollicitation et poursuicte, les affaires et procés que j’ay et pourroys avoir en vostre chambre demeurent en arriere ou sont mal conduictz, dont advient quelque foys qu’à ceste occasion j’en ay mauvaise issue, j’ay advisé de commettre quelque bon et diligent solliciteur en vostre dicte chambre, qui [rende] ceste sollicitation distincte d’avec celle du parlement de Thoulouze. Et parce que je sçay l’affection que vous m’avez tousjours demonstrée et au bien de mes affaires, j’ay bien voulu vous escrire la presente, pour vous prier de m’en vouloir choisir et nommer ung qui soit fidele, et propre pour ceste charge ; desirant en avoir ung de vostre main. N’estant la presente à aultre fin, je prieray Dieu vous avoir, Mons^r d’Escorbiac, en sa saincte et digne garde. Du Mont de Marsan, ce xx^e decembre 1583.

Vostre meilleur et plus affectionné amy,

HENRY.