Recueil des lettres missives de Henri IV/1583/28 avril ― À mon cousin monsieur de Matignon (1)

◄

précédente

Henri IV Lettres missives 1583

suivante

►

1583. — 28 avril. — I^re.

Orig. — B. R. Fonds Béthune, Ms. 8854, Fol. 90 recto.

À MON COUSIN MONS^R DE MATIGNON,

MARESCHAL DE FRANCE.

Mon Cousin, M’ayant faict entendre le capitaine Belsunce^[1] la grande necessite à quoy est reduicte la garnison de Puymirol et la grande paouvreté des habitans du lieu, dont il ne sçauroit tirer commodité quelconque ; et d’aultant qu’il leur est deub deux moys, et entrent au troisiesme, je vous prye bien fort, mon Cousin, de commander qu’ils soyent promptement payez, et donner ordre a ce que n’en soyez si souvent importuné. Je vous prye aussi d’avoir pour recommandé le dict Belsunce, en ce qu’il aura affaire de vous pour son particulier ; et vous me ferez fort grand plaisir : priant Dieu vous avoir, mon Cousin, en sa saincte et digne garde. De Nerac, ce xxviij^e apvril 1583.

Vostre bien affectionné cousin et asseuré amy,

HENRY.

^[2] Je vous prie, mon Cousin, de faire payer ceste garnison ; et croyés que la necessité y est encores plus grande que je ne vous escris.

1. Antoine de Belsunce, gouverneur de Puymirol, en Agénois, mestre-de-camp d’infanterie, se signala à la bataille de Coutras, en 1587, et fut tué au siège deRouen, le 25 février 1592. Il était second fils de Jean de Belsunce, vicomte de Macaïe, et de Catherine de Luxe.
2. Ce post-scriptum est de la main du roi.