Recueil général et complet des fabliaux des 13e et 14e siècles/CXXXIV

Ajouter des liens
À valider
La bibliothèque libre.
De la Damoisele qui sonjoit

CXXXIV

DE LA DAMOISELE QUI SONJOIT

Paris, Bibl. nat., Mss. fr. 837, fol. 178 ro à 178 vo ;
Bibl. de Berne, Mss. 354, fol. 112 ro à 112 vo.[1]

1
Une damoisele sonjoit
Que uns bachelers qui l’amoit,[2]
Vestuz d’une cote de pers,
Venoit d’entort[3] et de travers
5Et avoeques li se couchoit.
Ausi comme en songes estoit,[4]
En va celui en sa[5] meson,
Si c’onques ne li oï on[6] :
Tant quist que il trova son[7] lit.
10Gros avoit et quarré le vit
Et mout ert cointes, liez et baut[8].
Il joinst les piez et fet[9] .I. saut
El lit où ele[10] se dormoit.
Li pautoniers qui vit a roit[11]
15La prent, et la corbe, et l’embronche,[12]
Et cele dort toz jors et fronche[13].
.III. foiz l’a foutue en dormant
Que[14] ne se mut ne tant ne quant ;
Mès après la quarte s’esveille.
20Or orrez une grant merveille[15] ;

Les ieus ouvri, si le[16] choisi,
Gete les poins, si le[17] saisi :
« Estez, » fet el, « vous estes pris[18] :
Devant l’evesque de Paris
25Vous covient venir droiturier,[19]
Qui vous fist mon parc depecier[20]
Sanz congié, quant je[21] me dormoie ?
Si me doinst Dieus que je revoie[22]
Pere ne mere que je aie !
30Trop estes de male manaie
Qui si m’avez despucelée :
Je ne serai mès mariée.[23]
Mès or me fetes autrestant,
Quant je veille[24], comme en dormant,
35Quar je ne sai en moie foi
Con vous getez les cops le roi
Là où le mal aus dames tient :
Je dormoie, ne m’en[25] sovient.
Esploitiez tost, je vous donrai
40D’une mieue[26] toile que j’ai,
Chemise et braies orendroit.
Male honte Dieus[27] li envoit
Qui ne gaaingne quant il puet !
Fetes tost, quar fere l’estuet.[28]
45— Par foi, » fet cil, « ma douce amie,
Je ai bien vo requeste oïe :
Si le ferai, si m’ait Dieus,
Tant que il vous en sera mieus. »
Lors l’avoit prise à la torcoise,
50Si le rembronche et si l’entoise ;[29]

Comme laron[30] d’iluec eschape,
Et cil lest corre, si le frape,
Mès ne vaut rien que[31] bien se tient.
« Por nient, » fet ele, « ne vous crient,[32]
55Il n’avra garde à ceste empointe[33],
Se estiiez encor plus[34] cointe
Que vous n’estes de la moitié ;
Por ce que vous estes pingnié,[35]
Et je sui encontre ce[36] blonde.
60Por qoi[37] passastes vous l’esponde
Quant je me dormoie en mon lit ?
Cuidiez vous de[38] vostre grand vit
Avoir moi si estoutoïe ?
Je sui encor saine et haitie
65Plus que vous au mien escient ;
Se contre vous[39] ne me desfent,
Dont sui je pire que ribaude :
Vous en avrez ja une chaude.
Or fetes tost, si alez jus,
70Je revoeil[40] ore aler desus ;
Ce n’est pas, ce m’est avis, honte
Quant homme faut, se fame monte. »
Ainsi torna son songea bien.
Autressi face à moi le mien,
75Et à ces dames qui ci sont
Les premiers qu’eles troveront[41]
Soit autretel comme cil fu :[42]
Mout lor seroit bien avenu.

Explicit de la Damoisele qui sonjoit.
  1. ↑
    CXXXIV. — De la Damoisele qui sonjoit, p. 208.

    A. — Paris, Bibl. nat., Mss. fr. 837, fol. 178 ro à 178 vo.

    B. — Bibl. de Berne, Ms. 354, fol. 112 ro à 112 vo.


    Publié par Barbazan, III, 155, et par Méon, III, 455-457 ; donné en extrait très court par Legrand d’Aussy, IV, 307.


  2. ↑ Vers 2 — B, biaus bachelers l’amoit.
  3. ↑ 4 — B, de tort.
  4. ↑ 6 — B, Ensi com ele se sonjoit.
  5. ↑ 7 — B, Entra icil en la.
  6. ↑ 8 — B, l’oï nus hon.
  7. ↑ 9 — son. B, lo.
  8. ↑ 11 — B, la ribaut.
  9. ↑ 12 — B, si fist.
  10. ↑ 13 — B, cele.
  11. ↑ 14 — B, estoit à roit.
  12. ↑ 15 — B, Si la prant et corbe et enbronche.
  13. ↑ 16 — B, ronche.
  14. ↑ 18 — B, Ainz.
  15. ↑ 20 — B, ja une mervoille.
  16. ↑ 21 — B, ovre, si l’a.
  17. ↑ 22 — B, si l’a.
  18. ↑ 23 — B, tu ies pris.
  19. ↑ 25 — B, Vos covanra à droitoier.
  20. ↑ 26 — B, lo parc peçoier.
  21. ↑ 27 — B, « je » manque à B.
  22. ↑ 28 — B, Si Deus me doint mès que je voie.
  23. ↑ 32 — B, Jamais ne serai mariée.
  24. ↑ 34 — B, Per acordé.
  25. ↑ 38 — B, il ne.
  26. ↑ 40 — B, D’une blanche.
  27. ↑ 42 — B, Deus male honte.
  28. ↑ 44 — B, Esploitiez que. — Les quatre vers suivants manquent à B.
  29. ↑ 50 — B, Si l’anbrunche bien et entoise.
  30. ↑ 51 — * laron. A, baron. — B, Car n’i vialt pas qui li eschape.
  31. ↑ 53 — B, Mais la meschine.
  32. ↑ 54 — B, C’est por noiant, il ne vos crient.
  33. ↑ 55 — B, ceste pointe.
  34. ↑ 56 — B, Se vous estoiez or.
  35. ↑ 58 — B, ce estes bien paignié.
  36. ↑ 59 — ce. B, assez.
  37. ↑ 60 — B, Par cui.
  38. ↑ 62 — de. B, por.
  39. ↑ 66 — B, Se je de vos.
  40. ↑ 70 — B, Car je revoil.
  41. ↑ 76 — B, Lo premier que il songeront.
  42. ↑ 77 — B, Soit autresi come ce fu.
Récupérée de « https://fr.wikisource.org/w/index.php?title=Recueil_général_et_complet_des_fabliaux_des_13e_et_14e_siècles/CXXXIV&oldid=14202490 »