Rymes/C’est un grand mal se sentir offensé

Pernette du Guillet

C’est un grand mal se sentir offensé

Rymes, Tournes, 1545 (p. 44-45).

C’est un grand mal se sentir offensé.
Et ne s’oser, ou sçavoir a qui plaindre :
C’est un grand mal, voire trop incensé,
Que d’aspirer, ou l’on ne peult attaindre :
C’est un grand mal, que de son cueur contraindre,
Oultre son gré, & asubjection :

C’est un grand mal, qu’ardente affection
Sans esperer de son mal allegeance :
Mais c’est grand bien, quand a sa passion
Un doulx languir sert d’honneste vengeance.