Rymes/Par ce dizain clerement je m’accuse

Pernette du Guillet

Par ce dizain clerement je m’accuse

Rymes, Tournes, 1545 (p. 11-12).

Par ce dizain clerement je m’accuse
De ne sçauoir tes vertus honnorer,
Fors du vouloir, qui est bien maigre excuse :
Mais qui pourroit par escript decorer
Ce, qui de soy se peult faire adorer ?
Je ne dy pas, si j’avois ton pouvoir,
Qu’a m’acquicter ne feisse mon debvoir,
À tout le moins du bien, que tu m’advoues.
Preste moy donc ton eloquent sçavoir

Pour te louer ainsi, que tu me loues.