Rymes/R, au dizain toute seule soubmise
< Rymes
R, au dizain toute seule soubmise
M’à, a bon droict, en grand doubtance mise
De mal, ou bien, que par R, on peult prendre.
Car pour errer, R, se peult comprendre,
Signifiant que le loz, qu’on me preste,
Soit une erreur, ou que R, est riens, ou reste :
Mais si par R, on veult responce avoir,
Je dy, combien que n’aye le sçauoir,
Ne les vertus, que ton R, m’advoue,
Qu'errer je fais tout homme, qui me loue.