Rymes/Si tu ne veulx l’anneau tant estimer
Si tu ne veulx l’anneau tant estimer,
Que d’un baiser il te soit racheptable :
Tu ne doibs pas, au moins si peu l’aymer,
Qu’il ne te soit, non pour l’or acceptable,
Mais pour la main, qui pour plus rendre estable
Sa foy vers toy, te l’à voulu lyer
D’un Dyamant, ou tu peulx desplier
Un cueur taillé en face pardurable,
Pour te monstrer, que ne doibs oublier,
Comme tu fais, la sienne amour durable.