« Page:Viard - Grandes chroniques de France - Tome 4.djvu/234 » : différence entre les versions
(Aucune différence)
|
Dernière version du 13 mars 2021 à 03:25
sairement et puis li otroia Karcassone, Alle le Blanc et Thoulouse.
En ce tens, manda Loys li rois de Germanie ses II fiuz, Kalle et Loys, que il venissent à lui, car il voloit metre pais et concorde entre eus et son autre fil Kallemanne. Et quant il furent venu en sa presence, il fist faire les sairemenz aus II parties et à leur homes ; mais il n’i out ne foi ne loiauté, ne d’une part ne d’autre. Après, les requist que il ostoiassent ovec Kallemanne leur frere sur les Wandes ; ne ainques acorder ne s’i vorrent. Et quant il vit que il n’en feroient riens pour lui, il ne laissa pas pour ce, que il n’envoiast Kallemanne seur ses anemis a si grant ost com il pot assembler. Après ce, mut au lieu[1] et au jor que il ot pris à l’empereriz Engeberge[2]. La fins fu tele que il rendi la partie du roiaume Lothaire que il ot receue encontre la partie le roi Kallemaine. Si fist ceste chose contre le sairement que il ot fait et contre la volenté et le seu des barons du roiaume Lothaire qui à lui s’estoient sozmis et rendu. Lors fu liez par divers sairemenz, dont li uns estoit ja mentiz ; car li sairemenz