« Page:Anonyme - L’entrée d’Espagne, tome 1.djvu/314 » : différence entre les versions
→Page non corrigée : Page créée avec « <section begin="section192"/><poem> {{NumVers|4655}}« Devroient primerans a ses ovres penser. <ref follow="CXCII"><includeonly>— </includeonly>4660 or ''manque'' —... » |
(Aucune différence)
|
Version du 14 décembre 2014 à 13:09
« Il n’i a nul de vos ne saçe governer
« Sa nef a dos orages, d’aler e de torner.
« Devisés vostre afer e laissés le plaider.
« Se Diex nos done vie, aseç porons tencer.
— Seignor », dit l’arcivesque, « or laisons cist noser.
« Je m’en irai avant o li quens Ençeler
« Qe savons la costume de fuïr e caçer.
« Deci q’a Pampelune non retenrons destrer ;
« Se poromes Paiens hors des portes tirer,
« Nos s’en retornerons, sis feromes longier,
« Pois combatrons a aus por deleç cil graver,
« E vos serés de prés, si nos vereç aider.
« Se Damenediex ce done, qe tot justisier,
« Qe poisons Saracins en bataile trover,
« Qi qe se croie perdre, je me cuit gaagner.
« Ençeler, chevauchons. — Biaus syre, volantier ;
« La vostre compagnie non feit a refuser.
— Sire », ce dit Rollant, « molt avés dit qe ber.
« Alés, qe Diex vos last bien aler e torner ! »
Le barons se partirent o les .c. chevaler.
Qi donque les veïst les chevaus aprexer :
Il ne font pas scenblant q’il n’ousent cevalcer.
Ce sachient Espanois, si les poront trover,
Q’a molt felons vesins estoivront aconter ;
Mais avant qe il tornent d’aïe avront mestier.
Tot une randonie chevauchent li baron,
Les lançes palmoiand, a lor piç lor blaçon.
Un val trapaserent e la coste d’un mon
- ↑ — 4681 cheuaucherent — 4682 blançon — 4683 costa.
4660 or manque — 4662 sauos — 4663 retenirons — 4665 si feromes — 4666 as aus — 4670 croit — 4676 donc