Vo santa, Genevaisans
Vo santa, Genevaisans.
Vo sauta, Genevaisans,
To louz ans
Voutra bella ressapaye ;
Vo vo prépara dou mai,
Saque fai,
Pai fare voutra soulaye.
San vo no ne fassin ran,
Celi tan.
Car, pai bin fare la ferta,
Voz y vegni an cayons
Et sapons
A quoui no copin la teita.
Vo lou payi larzeman,
Bonne zan ;
Car, pai no garda de perta.
Lé bequé, que vo mezi
An ruti,
No lé nourçin de merda.
Vo déte çan de deleur.
Celi zeur,
Que no gratin voutra rogne ;
Car, pandan que no bevin
Et dansin,.
Vo vo cassi de vergogne.
Vo ne vo contanta pas
De bàfra.
Y a bin on’ outra feita ;
Voutré fenne von cori,
San mari,
Vo plianta lé courne an teita.
Y a mai de corna si vo
Que si no.
Quan vo vegni ù marsia,
Voutré fenne von trova
Leu coura,
Pai an eitre caressia.
Quan noz alin ù Molard
On pou tard,
Vo ne bouta ran dan l’eula ;
Quan no vo vudrin avai,
Onna fai.
No vo prandrin pè la gueula.
Se vo noz aportia pas
A deina,
Noz irion si voz an prandre ;
Voutrou greni, cave et beu
Farion preu
Pai no payi noutra panne.
Voz y bau montra du cœur,
Voz y peur
De la tropa savoyarda ;
Car, pandan que vo bevi
Et dansi,
Vo fade droblia la garda.
No drobliain la garnison ;
La raison,
Yè pai vo montra la verge
Que vo fi montra le cu
Bin battu,
An fouyan contre Faverge.
No coudavon Annecy
Avansi.
Mai no n’y vayivon gota ;
San çan voz étia to prai
Pè lou pai,
S’on zi an avai vu gota.
Voz eite portan gaillards.
Savoyards,
Quan no fassin bin gogaille.
No vo fournessin d’arzan
Pai to l’an,
Qu’y fau pai payi lé taille.
Ne voz an moqua pas mais,
Genevois,
De la tropa savoyarda
Voz avi bau marmota
Et gronda,
I vo fau payi la garda.
Noz y volin queman çan.
Paysan ;
Pai çan que no volin fare
On bastion à don fossé,
Comancé
Yo on pandi voutrou parc.
Vo verri bin onna fai
Noutron rai
Avoi tota sa brigada,
Que vo fara bin chailli
De si lui.
An reneflian la moutarda.
Noz in pai vo régala,
A deina.
Onna bouna sepa è rave,
Et pai vo renovella
A sepa,
Noz in dé courde aprétaye.
Garda lé pai retegni
Lou banni
Que von à la mala via ;
Car vo n’an aria pas preu
Pai celeu
Que rebatton la mounia.
An Savoi on an battai
Pai lou rai
U gran châtè de la Mura ;
N’an in—no pas fai fouetta
U Molar,
Qu’au avion fai la gravura ?