POÉSIES DIVERSES 29 I
Et nous, les os, devenons cendre et pouldre.
De nostre mal personne ne s'en rie ;
Mais priez Dieu que tous nous vueille absouldre ! lo
Se vous clamons frères, pas n'en devez
Avoir desdaing, quoy que fusmes occis
Par justice. Toutesfois, vous sçavez
Que tous hommes n'ont pas bon sens rassis ;
Excusez nous, puis que sommes transis, 1 5
Envers le fils de la ^^ierge Marie,
Que sa grâce ne soit pour nous tarie,
Nous préservant de l'infernale fouldre.
Nous sommes mors, ame ne nous harie ;
Mais priez Dieu que tous nous vueille absouldre ! 20
La pluye nous a buez et lavez.
Et le soleil desséchiez et noircis ;
Pies, corbeaulx, nous ont les yeux cavez.
Et arrachié la barbe et les sourcis.
Jamais nul temps nous ne sommes assis ; 25
Puis ça, puis la, comme le vent varie,
A son plaisir sans cesser nous charie.
Plus becquetez d'oyseaulx que dez a couldre.
Ne soiez donc de nostre confrarie ;
Mais priez Dieu que tous nous vueille absouldre ! 30
I. II. — II. Se frères vous clamons /; ne devez IR. — 13. savez CFIR. — ung sens. — 15. Intercédez donc de cueur rassis C ; trans- mis F; transsys P. — 17. pour nous ne C. — 18. Et nous préserve C. — 19. arme F.
III. — 21. debuez C; bien buez F; a et buez/. — 22. souleil C ; souleil/; solieil K. — 24. soussiz C. — 28. coustre P. — 29. Hommes icy n'a point de niocquerie IPK ; doncques F; confrairie C7 : confré- rie P.
�� �
