Cette page a été validée par deux contributeurs.
154
La Grenoüille
quietudes : & qu’ay-je fait au Roy pour m’avoir exilée ? Il ſemble qu’il veuille me faire reſſentir toute l’amertume de ſon abſence, lors qu’il me relegue dans un Château ſi deſagreable.
C’eſt ainſi qu’elle ſe plaignoit, & quoy qu’il luy écrivît tous les jours, & qu’il luy donnât de fort bonnes nouvelles du ſiege, elle s’affligeoit de plus en plus, & prit la reſolution de s’en retourner auprés du Roy ; mais comme les Officiers qu’il luy avoit donné avoient ordre de ne la ramener que lors qu’il luy envoyeroit un courier exprés, elle ne témoigna point ce qu’elle meditoit, & ſe fit faire un petit Char, où il n’y avoit place que pour elle ; diſant qu’elle vouloit
