homme dont il me respondit, lequel me promit de petarder la mesme nuit la ville de Cuc[1], pourveu que je luy voulusse donner des gens pour s’en rendre maitre. Je commanday a six compagnies dudit Piemont, que je fis commander par Rogles, de s’y acheminer, et leur donnay cinquante chevaux d’escorte ; et ils prindrent la ville comme il me l’avoit proposé, laquelle apres avoir pillée ils bruslerent[2], et s’en revindrent joindre a l’armée le lendemain jeudy 30me, chargés de butin ; auquel jour sur les cinq heures du matin les soldats quy estoint dans Carmain sortirent selon la capitulation que je leur avois faite. Je les fis conduire seurement, et mis Mr de Gohas, capitaine aux gardes, pour commander dans la ville avec quattre cens hommes, en attendant que le roy y eut pourveu. Puis ayant fait sejourner l’armée dans leurs mesmes logemens, et resolu avec Mr de Valançay de celuy du lendemain a Saint Felis[3], je luy consignay l’armée, et m’en vins trouver le roy a Toulouse.
J’arrivay sur le point cheux le roy comme il estoit en son conseil et qu’il querelloit Mr le Prince de ce qu’en parlement[4], et aux capitouls, lors qu’ils luy estoint venus faire la reverence, il avoit dit que la lascheté de Mr de Bassompierre avoit empesché que le roy n’attaquat Carmain comme il luy avoit conseillé, mais que je l’en avois diverty. Comme on eut dit au roy que j’estois a la porte, il s’estonna de ce quy m’avoit fait quitter l’armée, et m’ayant fait entrer, je
- ↑ Cuq-Toulza, chef- lieu de canton de l’arrondissement de Lavaur.
- ↑ Voir à l’Appendice. III.
- ↑ Saint-Félix-de-Caraman, ville du canton de Revel.
- ↑ Devant le parlement de Toulouse.
