LA BELLE MAGITELONXE.
un lieu qui estoit haut et ramé. Et dedans ces arbres elle se assist et d'illec elle veoit les allans et venans et nuUy ne la pouvoit voir.
Demeurant elle en icelle manière, elle vit passer une pauvre pèlerine et tantost l'appela. Et la pelé- 5 rine vint a elle et luy demanda qu'il luy plaisoit. Et elle dit et pria a la pèlerine qu'elle luy donnast sa robe et ses habillemens et qu'elle prist les siens. Et la pèlerine ne pensoit pas qu'elle fust toute seule au bois mais pensoit qu'elle se truffoit d'elle et luy dit: 10 „Madame, si vous estes bien vestue et honorée ne vous devriez truiîer des povres de Jhesucrist, car si icelle belle "^'robe vous pare le corps et ceste mienne povre me honnie, elle me pare l'ame et la sauvera si dieu plaist. Et Maguelonne luy respondit: „Ma 15 chère seur, je vous prie que vous ne vous tenez a desplaisir car je le dis de bon cueur et de bonne volenté et plaise vous que nous changeons."
Quant la pellerine vit qu'elle le disoit de bon cueur, elle se commença a despoiller et luy bailla tout son 20 habillement et Maguelonne luy bailla le sien.
Ainsi se atourna Maguelonne des habillements de la pèlerine, tant que a grant peine luy veoit on rien du visage, et ce qui se veoit se salist de sa salive avec de la terre. Et ainsi fit elle de ses mains et se 25 transforma tellement que jamais homme qui l'eust vue ne l'eust cognue.
��f. 150^
65
�� �
