Cette page a été validée par deux contributeurs.
9
v. 196—241
Cui quaut ? Or parlons d’autre affaire :
Alés, se faites crier l’ost,
Que tout viegnent en me besoigne
D’Orient dusqu’en Kateloigne.
li senescaus
Or cha ! Connart, si crie tost.
II. — Connartconnars
Oiiés, oiiés, oiés, signeur,
Oies vo preu et vo honneur.
Je faç le ban le roy d’Aufrike :
Que tout i viegnent, povre et rique.
Garni de leur armes, par ban.
De le terre Prestre Jehan
Ne remaigne jusques al Coine :
D’Alixandre, de Babiloine,
Li Kenelieu, li Achopart,
Tout vegnent garni ceste part,
Et toute l’autre gent grifaigne.
Seürs soit qui c’onques remaigne
Que li roys le fera tuer.
N’i a plus, or poés huer.
III. — Le roi,
Auberonli rois a auberon
Auberonli rois a auberon
Di va ! Iés tu chaiens, Auberons, mes courlieus ?
auberons
Sire, veés me chi, ne vous sui mie eskiex.
li rois
Auberon, au bien courre soies entalentiex.