Cette page a été validée par deux contributeurs.
10
le jeu de saint nicolas
Va moi par tout semonre Gaians et Queneliex.
Moustre par tout mes lettres et mon seel apert,
Comment par crestïens ma loys dechiet et pert.
Chil qui demouerront soient seür et chert
Qu’il et leur oir seront a tous jours mais cuivert.
Va t’en, je te cuidoie ja dehors le banlieue.
auberons
Sire, n’en doutés ja, nus cameus une lieue
N’est tant isniaus de courre que je nel raconsieue,
Derrier moi ne le meche devant demie lieue.
IV. — Le tavernier,
Auberonli taverniers
Auberonli taverniers
Chaiens fait bon disner, chaiens !
Chi a caut pain et caus herens,
Et vin d’Aucheurre a plain tonnel.
auberons
A ! saint Beneoit, vostre anel
Me laissiés encontrer souvent !
auberons au tavrenier
Que vent on chaiens ?
li tavreniers
C’on i vent ?
Amis, un vin qui point ne file.
auberons
A conbien ?
li tavreniers
Au ban de le vile.
