Cette page a été validée par deux contributeurs.
12
le jeu de saint nicolas
auberons
Mais le maille prenderés ore
Et au revenir le denier.
li tavreniers
Veus tu faire ja le panier ?
Au mains me dois tu trois partis.
Ains que de chi soies partis,
Sarai bien a coi m’en tenrai.
auberons
Ostes, mais quant je revenrai
S’arés un denier pour le pinte.
li tavreniers
Par foi ! c’ert a candoille estinte ;
Pour noient te pués travillier.
auberons
Ne me puis a vous awillier,
S’une maaille en deus ne caup.
V. — Les mêmes,
Cliquetclikés
Cliquetclikés
Qui veut un parti a che caup,
Pour esbanïer, petit gieu ?
li tavreniers
Avés oï, sire courlieu ?
Alés euwillier vostre affaire.
