Cette page a été validée par deux contributeurs.
11
v. 242—277
Je n’en serai a nul fourfait
Ne du vendre ne du mestrait.
Seés vous cha en ceste achinte.
auberons
Ostes, mais sachiés une pinte,
Si buverai tout en estant ;
N’ai cure de demourer tant.
De moi couvient prendre conroi.
li tavreniers
A cui iés tu ?
auberons
Je sui au roy ;
Si port son seel et son brief.
li tavreniers
Tien, chis te montera ou chief ;
Boi bien, li mieudres est au fons.
auberons, après avoir bu
Chis hanas n’est mie parfons,
Il fust bons a vin assaier.
Dites, combien doi je paier ?
Je faç que faus, qui tant demeure.
li tavreniers
Paie denier et a l’autre eure
Aras le pinte pour maaille ;
C’est a douze deniers sans faille ;
Paie un denier ou boi encore.
