Cette page a été validée par deux contributeurs.
16
le jeu de saint nicolas
Par Arrabe et par paienime,
C’ainc si grant pule, de le dime,
N’eut nus roys de païens ensanle,
Comme il vient a toi, che me sanle,
Conte et roy, et prinche et baron.
li rois
Va t’en reposer, Auberon !
VIII. — Le roi,
les amirauxli amiraus del coine
les amirauxli amiraus del coine
Roys, d’Apolin et de Mahom
Te salu con tes liges hom,
Car venus sui a ten commant :
Jel doi faire par estouvoir.
li rois
Biaus amis, vous faites savoir ;
Tous jours venés quant je vous mant.
li amiraus del coine
Roys, d’assés outre Pré Noiron,
La terre ou croissent li ourton,
Sui venus pour vostre menache.
A grant tort ja mais me harrés ;
Venus sui a cauchiers ferrés,
Trente journees parmi glache.
li rois
Di, qui sont chil en chele rengue ?
li amiraus d’orkenie
Sire, d’outre Grise Wallengue,