Cette page a été validée par deux contributeurs.
17
v. 343—381
La ou li chien esquitent l’or.
Moi devés vous forment amer
Car je vous faç venir par mer
Cent navees de mon tresor.
li rois
Segneur, de vo paine ai grant pec
Et dont iés tu ?
li amiraus d’oliferne
Unes terres ardans et caudes.
Ne sui mie vers vous escars,
Car je vous amain trente cars
Plains de rubis et d’esmeraudes.
li rois
Et tu qui m’esgardes alec.
Dont iés tu ?
li amiraus d’outre l’arbre sec
Ne sai comment rien vous donroie,
Car en no païs n’a monnoie
Autre que pierres de moelin.
li rois
Ostés, pour men dieu Mahommet !
Con fait avoir chis me promet !
Bien sai que ja mais povres n’iere.
li amiraus d’outre l’arbre sec
Sire, ne vous mentirai rien ;