Cette page a été validée par deux contributeurs.
26
le jeu de saint nicolas
XVI. — Le sénéchal,
le roi, Connartli senescaus
le roi, Connartli senescaus
Sire, il est en le cartre mis.
li rois
Or senescaus, biaus dous amis,
Tous mes tresors, canques j’en ai,
Voeil que il soient descouvert,
Et huches et escrin ouvert ;
Si metés sus le nicolai.
li senescaus
Sire, vo commandise est faite ;
N’i a mais ne serjant ne gaite.
Or poés dormir assëur.
li rois
Voire, foi que doi Apolin !
Mais se je perç un estrelin
Avoir puet li vilains peür ;
Trop se puet en son Dieu fier.
Or faites tost mon ban crier !
Je voeil qu’il soit par tout seü.
li senescaus
Or cha, Connart, criés le ban,
Que li tresors est a lagan.
Mout est bien a larrons keü.
connars li crieres
Oiiés, oiiés, segneur trestout !