Page:Bodel - Le Jeu de saint Nicolas, éd. Jeanroy, 1925.djvu/45

27

v. 565—605

Venés avant, faites me escout :
De par le roi vous fai savoir
C’a son tresor n’a son avoir 586
N’ara ja mais ne clef ne serre.
Tout aussi comme a plaine terre
Le puet on trouver, che me sanle :
Et qui le puet embler, si l’emble ! 590
Car il ne le garde mais nus
Fors seus uns mahomés cornus,
Tous mors, car il ne se remue.
Or soit honnis qui bien ne hue ! 594

XVII. — Le tavernier,
Caignet, Connart,
Raouletli tavreniers

Caignet, nous vendons mout petit ;
Va, se di Raoul que il crit
Le vin ; le gent en sont saoul.

caignés

Or cha : si crierés, Raoul, 598
Le vin aforé de nouvel,
Qui est d’Aucheurre, a plain tonnel.

connars

Qu’est che, musars ? Que veus tu faire ?
Veus me tu tolir mon affaire ? 602
Sié cois, car envers moi mesprens.

raoulés

Qui iés tu, qui le me deffens ?
Di moi ton non, se Diex te gart.