Cette page a été validée par deux contributeurs.
30
le jeu de saint nicolas
raoulés
Tenés, Connart, par non d’acorde !
L’uns se doit en l’autre fier.
connars
Pais en est ; va ten vin crier !
raoulés
Le vin aforé de nouvel,
A plain lot et a plain tonnel,
Sade, bevant, et plain et gros,
Rampant comme escuireus en bos,
Sans nul mors de pourri ne d’aigre.
Seur lie court et sec et maigre,
Cler con larme de pecheour ;
Croupant seur langue a lecheour ;
Autre gent n’en doivent gouster.
XVIII. — Pincedé,
Raouletpincedés
Raouletpincedés
Adont en doi je bien gouster,
Puis qu’il est tailliés a no moy.
Mains lechiere en bevra de moy,
Car je l’ai tous jours a coustume.
raoulés
Vois con il mengüe s’escume,
Et saut et estinchele et frit ?
Tien le seur le langue un petit,
Si sentiras ja outrevin.