Cette page a été validée par deux contributeurs.
29
v. 606—645
Que tu n’aies ton peleïç !
Tous jours sont connart bateïç.
Ja n’ierent liet s’on ne les bat.
caignés
Sire, Raoulés se combat,
Il et Connars, pour le mestier.
li tavreniers
Ho, ho ! segneur, che n’a mestier ;
Sié cois, Raoul, et tu, Connart !
Si vous metés en mon esgart,
Vous i gaengnerés andoi.
raoulés
Jou l’otroi bien.
connars
Et jou l’otroi,
Se jou tout perdre le devoie.
li tavreniers
Certes, ains irai droite voie :
De le vile ait chascuns sen ban.
Connart, tu crieras le ban,
S’iers au roi et as eskievins,
Et Raouls criera les vins,
S’i prendera au mains son vivre.
Pour chou se Raoulés s’enivre,
Ne voel pas c’on vers lui mesprende.
Va, Raoulet, si li amende !
Ne voeil pas qu’il i ait discorde.
