Cette page a été validée par deux contributeurs.
32
le jeu de saint nicolas
Et puis un denier de ton gieu,
Et trois partis pour le courlieu :
Che sont cinc deniers, poi s’en faut.
clikés
Cinc denier soient, ne m’en chaut.
Aine ostes ne me trouva dur.
li tavreniers
Caignet, or le sache tout pur
Pour Pinchedé qui venus est.
caignés
Par foi ! Chi a povre conquest,
Car nous n’i gaaignerons waires.
clikés
Caignet, honnis soit or vos traires
Et qui si faussement le sake !
Que quiert si souvent a saint Jake
Hons qui le gent escorche et poile ?
pincedés
Aportés nous de le candoille,
Se tant de bien faire savés !
caignés, apportant une chandelle
Or tost ! en le paume l’avés.
Tenés, or i a deus deniers.
[clikés]
Au conter n’iés tu point laniers,
N’au mesconter, s’on te veut croire.
