Cette page a été validée par deux contributeurs.
36
le jeu de saint nicolas
clikés, à Caignet
Purs est, enne, voire, me vaque ?
Tien, boi, saches mon que tu vens.
à Rasoir
Tenés, Rasoir, par uns couvens
Que ne tenistes tel auwan.
rasoirs
Cliquet, verse vin a lagan !
S’assaierons de che nouvel,
Il en a encore ou tounel,
Et nous finerons bien chaiens.
pinchedés
Rasoir, as tu mengié herens ?
Tu en as bien te part beüe.
[clikés]
Ains a trouvé cape keüe,
Pinchedé, jel sai par mes iex.
pincedés
Tproupt, tproupt, ou que soit, passe diex !
Verse con se che fust cervoise !
Rasoir, nous comprons vo ricoise,
Qui ne nous est mie commune.
Vous fustes anuit a la brune :
S’estes ore seur vos gaveles.
rasoirs
Non sui, voir, ains sai tes nouveles
Dont grans biens nous porra venir.
