Cette page a été validée par deux contributeurs.
35
v. 718—755
clikés
Rasoirs a son asne vendu,
Qui si fierement rueve traire.
rasoirs
Par foi ! Je ne saroie el faire :
Bevons assés, bien sera saus.
Se nous deviens chaiens vint saus,
Ne sui je gaires esmaiés
Que l’ostes n’en soit bien paiés
Ains demain jour, s’il s’i embat.
pincedés
Par foi ! Chis a songiet escat,
Qui si parole fierement.
rasoirs
Tproupt, tproupt ! Bevons hardiement !
Ne faisons si le coc emplut.
clikés
Rasoirs, nous avommes tant but
Que no drapel en demourront.
rasoirs
Tenés, Cliquet ! Cinc denier sont,
Trois de chest vin et devant deus.
pincedés
Est il tout purs, si t’aït Diex ?
caignés
Oïl, foi que je doi saint Jake !
