Cette page a été validée par deux contributeurs.
38
le jeu de saint nicolas
Tien, Rasoir, et une levee
Te doins, quant me verras juer,
Que je ne m’en quier remuer,
Toute li premiere soit tieue,
Sel pren, quel eure que je gieue,
Que ja ne tel quier eskiever.
pincedés
Or m’en souvient. Qui vient juer ?
clikés
Pinchedé, hocherons as crois ?
[pincedés]
Mais a le mine, entre nous trois,
Seur che gaaing, a bonne estraine.
[clikés]
Biaus ostes, preste me une onzainne,
Si devrai dis et set par tout.
li tavreniers
Tu mesprens.
[clikés]
De conbien ?
li tavreniers
De mout ;
S’ai paour qu’il ne t’en meskieche.
[clikés]
Or contés dont chascune pieche.
