Cette page a été validée par deux contributeurs.
39
v. 800—833
li tavreniers
Ten premier lot, che furent troi.
[clikés]
Hé ! voire.
li tavreniers
Et puis un de l’otroi
Et les troi partis de la perte :
Sanie vous che raison aperte ?
[clikés]
Che sont cinc, se je voeil encore,
Et onze m’en presterés ore :
Dis et set sont. Vient bien chis contes ?
[li tavreniers]
Cliket, warde que tu empruntes :
Che pués tu bien de fi savoir
Que je vaurrai bon gage avoir :
Tu iés mout estrains en te cape :
J’ai paour qu’ele ne t’escape
Ains que tu isses de l’ostel.
[clikés]
Ostes, ostes, nous savons el,
En autre lievre gist li bus.
Nous avommes cinc deniers bus,
Faisons les, tout avant, a des.
Qui en a nul ?
pincedés
Jou, uns quarrés.
D’une vergue, drois et quemuns,
