Cette page a été validée par deux contributeurs.
40
le jeu de saint nicolas
[rasoirs]
Ja des voes n’en venra uns,
Ne vous en poist mie, Cliquet !
clikés
Non fait il. Cha venés, Caignet !
Caignet, ses tu que tu feras ?
Tien, ches des se nous presteras,
S’en pren bien au jeu te droiture.
Il puet caïr tele aventure
Que miex t’en sera, par mon chief !
caignés
Cliquet, j’en venrai bien a chief.
pincedés
Dites, Cliquet, et vous, Rasoir,
Volés vous che vin asseoir,
Ou nous jouerons qui les pait ?
rasoirs
Mais qui en puist avoir, s’en ait !
Qui le mains a si les pait tous !
clikés
Caignet, se Diex te doinst le tous,
Car nous prestés ore vos des.
caignés
Tenés, Rasoir, si mes gardés :
Jes fi taillier par eschievins.
